今晚東網直播沙特職大戰，艾納斯主場迎戰伊蒂法克。艾納斯衝擊聯賽冠軍，火力全開，各項賽事累積16連勝，今場對近6場4敗嘅伊蒂法克，3分冇走雞，不過主勝賠率太熱無謂揀，留意到伊蒂法克近5次作客4次半場開2球或以上，1.5球半場大有肉食，係唔錯選擇。（on.cc東網周四凌晨2時直播）文:邪神

現時沙特職爭標形勢逐漸明朗化，艾納斯坐住「一哥」位置，領先緊次席希拉爾同第3吉達艾阿里5分同7分，不過真正決定冠軍誰屬，係稍後同該兩隊正面交手，艾納斯現階段要做好自己，應贏嘅比賽一場都唔可以放過。

伊蒂法克作客勁曳
王牌前鋒C朗近兩場傷愈復出，為艾納斯攻入3球，證明狀態冇問題，現時聯賽射手榜排第1係27球嘅艾雲東尼，祖利安基洛尼斯排喺第2，C朗以24球僅排第3，「大哥」仲要爭神射手，今場肯定搶韁。

另邊廂，伊蒂法克雖然有隊長韋拿杜姆坐鎮，但球隊近況實在太曳，而且作客特別差，5連敗之餘全部半場落後，有4場半場開2球或以上，後防非常唔集中，艾納斯想要入波簡直食菜咁食，半場大好快夠數。