南韓足總公布今屆世盃26人大軍名單，33歲隊長孫興民第4度出征，名單中有5名球員喺歐洲5大聯賽效力。

5球員效力歐洲主要聯賽
已轉戰美職FC洛杉磯嘅孫興民，將會第4次出席世界盃。孫仔喺過去3屆賽事中共上陣10場，交出3入球1助攻，包括2014世盃攻入1球；2018世盃攻入兩球，雖然小組出局，但曾以2比0擊敗衞冕嘅德國；2022世盃，孫興民帶領南韓2比1擊敗葡萄牙，成功小組出線，16強不敵巴西出局。

至於南韓陣中5名效力歐洲5大聯賽球員，計有拜仁慕尼黑金玟哉、慕遜加柏混血中場卡斯洛普、巴黎聖日耳門李康仁、緬恩斯李在城及狼隊黃喜燦。

南韓世盃大軍名單
門將：金承奎、趙賢祐、宋範根

後衞：金玟哉、薛永佑、朴鎮燮、金紋奐、李期奕、金太賢、李泰錫、卡斯洛普、趙玉明、李漢範

中場：李康仁、黃仁範、李在城、白昇浩、裴峻浩、金鎮圭、楊賢俊、嚴智星、李東炅

前鋒：黃喜燦、吳賢揆、孫興民、趙圭成