大幅輪換防主力受傷
拉隊到美國集訓嘅「太極虎」南韓，周四早上約戰薩爾瓦多，作為世盃前最後檢閱。南韓上場熱身賽大炒千里達5比0，進攻流暢，練兵效果理想，據報主帥洪明甫今場將會大幅輪換陣容，而且踢完今場就會轉赴墨西哥，準備世盃首仗對捷克，預計今仗小勝收工，首選3.5球入球細。

（Now 630及618周四早上9時直播）文:邪神

南韓上場對千里達強陣出擊，隊長孫興民上半場起孖，下半場輪到趙圭成梅開二度，加上黃喜燦亦有1球進帳，大勝5球完場，為全隊打下強心針，南韓傳媒報道，南韓今仗基本陣容已定，孫興民同黃喜燦等骨幹成員將被收起，洪明甫作出9個變動，考察一班後備球員。

剛跟隨巴黎聖日耳門奪得歐聯冠軍嘅李康仁已經歸隊，不過該南韓攻擊手今季喺PSG上陣機會唔多，歐聯決賽亦坐冷板，報道指今場熱身賽將由李康仁領軍，帶住一班副選球員應戰，半力出擊下出現大比數機會唔高。

薩爾瓦多實力有限
薩爾瓦多喺世盃外中北美第3圈包尾出局，實力有限，難對南韓構成威脅，關鍵係南韓球員要自己小心，因為上場大勝千里達期間，主力中堅趙玉明嚴重受傷，黯然退出國家隊，隊友們見到咁情況，今場會點到即止，何況南韓近期國際賽入球偏少，近6場4次開2球或以下，今場中位數開3.5球，入球細超穩陣。