今晚繼續有國際熱身賽，克羅地亞主場迎戰斯洛文尼亞，雙方屬於鄰國，熟悉彼此踢法，往往互相制衡，過去交鋒經常陷入膠着，近7次對賽有5次總入球開2球或以下。加上克羅地亞要留力踢世盃決賽周，相信唔會盡搏，寧願博中位數2.5球嘅入球細。（周一凌晨2時45分開賽）文:臻贏特

克羅地亞一直存在青黃不接問題，40歲隊長莫迪歷、37歲翼鋒比列錫，兩位就快35歲嘅前鋒卡拉馬歷、安迪布迪美亞繼續入選大軍名單。仲有32歲中場高華錫因傷長期缺陣，今季僅為曼城上陣9次，一樣獲得徵召，可見人腳老化情況愈來愈嚴重，更加要小心分配體力，唔可以每場都搏盡。尤其係踢熱身賽，旨在試陣，應會點到即止，克羅地亞上場熱身賽0比2不敵比利時，就係最佳證明。此外，克羅地亞首場世盃分組賽就遇上勁旅英格蘭，球員更加要養精蓄銳，避免受傷，預料今仗會大幅輪換人腳，難免影響發揮，削弱入波機會。

斯洛文尼亞戰意成疑
至於斯洛文尼亞並冇份踢今屆世盃決賽周，備戰態度成疑，加上效力曼聯嘅首席射手班捷文施斯高因傷冇入選，鋒線頓失重心，恐怕攻唔入對手大門。睇番斯洛文尼亞近9場比賽僅1勝5和3負，預料今仗難有作為，兩隊各有不足，入波唔慌多。