今晚瑞典超焦點戰，米贊比主場惡鬥華斯特拉斯。「神奇球隊」米贊比無復上季奪冠勇態，徹底打回原形，想贏因世盃檔期得到休息而回勇嘅華斯特拉斯唔易，華軍受讓必捧讓球客勝（+1）。文:臻贏特

（HOY TV 76周六凌晨1時直播）

米贊比無以為繼
位處只有約1,300人口小漁村嘅米贊比，創會80多年都冇乜嘢佳績，但上季竟然上演李斯特城童話式奪冠，令人喜出望外。不過呢類中型班通常都係打道氣，正所謂「一鼓作氣、再而衰、三而竭」，依家道氣明顯洩咗，童話過後面對嘅係殘酷現實，本身資源就唔夠，無法增強實力，仲要成為眾矢之的，因此同李城一樣神奇不再，今季開咧後踢咗12輪聯賽，勝和負各4場，單計近5場聯賽僅得3和2負未贏過，包括早前對天狼星，一度領先3球情況下被逼和4比4，僅列中游打回原形。

另邊廂，華斯特拉斯今季升班後算係站穩陣腳，現居第8位，比米贊比仲要多2分，單計近5場聯賽取得3勝1和1負，包括因世盃短暫小休，今月重開後連贏咸史達斯同迪加科斯，信心爆棚，絕對唔赦跌勢未止嘅米贊比，讓球主客和仲有得受讓咁筍，讓球客勝（+1）咪錯過。