英超頭場，愛華頓喺主場迎戰曼聯。「紅魔鬼」上仗大勝重上正軌之餘，全場狂攻火力強勁，隊長般奴費南迪斯更入波助攻停不了，佢哋比賽初段例搶韁，捧1.5球半場大博早啲收錢。（Now 621及611周日晚9時直播）文:法達斯維

曼聯經歷首輪輸畀侯城後，上仗即反勝葉士域治5比2，極速反彈。隊長般奴費南迪斯呢場大演帽子戲法兼交出助攻，成為今年英超首位製造逾20球（15入波+7助攻）嘅球員，弗到漏油，而且佢哋全場狂轟猛炸，總共作出33次埋門，當中有11次中龍，加上習慣一開波即搶攻，力求先發制人。

愛華頓攻力唔弱博偷雞
另邊廂，愛華頓頭兩輪聯賽1勝1和，各項賽事3場不敗兼場場有波入，雖然有翼鋒伊利文尼戴耶轉投曼城，幸好獲「回禮」再借得基亞利殊，呢位借將上季受傷前表現出色，攻力未見受削。何況曼聯太過搶韁，容易暴露後防不穩情況，單計近5仗上半場都有失波，半場全開2球或以上，「拖肥糖」初段有機會偷到雞，捧半場大更上算。