西盃4強次回合，巴塞隆拿要上演絕地反擊戰！首回合巴塞隆拿作客吞馬德里體育會4蛋，不過教練費歷克講明唔會放棄，深信喺魯營球場有機會反敗為勝，今場肯定一開波就搶攻。兩大勁旅都有強大火力，馬體會亦唔會坐以待斃，預計上半場就埋牙，1.5球嘅半場大博得過。（周三凌晨4時開賽）文:工廠仔

巴塞隆拿近2場聯賽連續大炒利雲特同維拉利爾，王牌球星拉明耶馬狀態大勇，雖然羅拔利雲度夫斯基受傷缺陣，但拉舒福特、費倫托利斯、拉芬夏比洛尼等個個都有入球能力，影響唔算太大。巴塞要收復4球失地，前提係要盡早拎到入波，可以預期會藉主場氣勢，一開波就瘋狂搶攻，巴塞近4場就有3場半場開2球或以上。

馬體會4球在手
馬德里體育會有4球在手，而且近期3連勝信心爆棚，佢哋近8場賽事有5場攻入至少3球，以祖利安艾華利斯為首嘅鋒線相當可靠，教練施蒙尼唔會驚同巴塞鬥攻。馬體會亦係鍾意先發制人，近6場比賽有5場半場總入球開2球或以上，今仗再追中位數1.5球嘅半場大好路。