澳職季後賽4強次回合，阿德萊德聯主場迎戰奧克蘭FC，雙方都係「和波專家」，包括首回合踢成1比1，實力旗鼓相當。加上今仗直接決生死，預料踢法會傾向謹慎，法定時間未必分到勝負。參考兩隊近5次交鋒，奧克蘭FC獲得1勝4和稍佔優勢，受讓一球「讓球客勝」比較值博。

（無綫myTV Super周五下午5時35分直播）文:Mic少

阿德萊德聯佔地利都冇着數
阿德萊德聯首回合上半場已經落後，戰至下半場中段先至入波扳平，過程驚濤駭浪，為免再次先失守，導致陷入苦戰，相信今仗唔會太冒進。事實上，即使阿德萊德聯已保持連續11場不敗，但有6場打和，單計近9場只有3勝，贏波率偏低。最具參考價值係4月初澳職主場同奧克蘭FC踢成1比1，就算今仗有地利，都未必佔到甜頭。

另邊廂，奧克蘭FC雖然近7場未贏過，但當中有5場和波，可見要擊敗佢哋並非易事。此外，奧克蘭FC作客成績更勝主場，屬於常規賽作客成績第2佳球隊，包括近5次作客取得2勝3和，表現相當硬淨，有力同阿德萊德聯周旋到底。