沙特職：達馬克FC中場華倫天華達

返回开启护眼

沙特職：達馬克FC中場華倫天華達_東方日報

来源：网络时间-05-15

今晚沙特職兩場關乎護級嘅生死戰，頭場有達馬克FC主場硬撼艾費哈。達馬克現時排尾4，與尾3嘅艾利雅德同分，護級形勢水深火熱，雖然佢哋聯賽3連敗，但其中2場要輸畀前列分子希拉爾同伊蒂哈德，輸波亦情有可原，而且尾輪仲要鬥力爭冠軍嘅榜首艾納斯，今場唔搏就玩完。好彩對手係位處中游嘅艾費哈，正宗風流波，加上近8場作客輸5場，單計戰意達馬克贏幾條街，主勝有計。

（on.cc東網周六凌晨零時15分直播）文:法達斯維

艾塔亞文艾利雅德鬥「大」
至於尾場艾塔亞文主場對艾利雅德，前列分子艾塔亞文要搶分爭第5嘅亞冠精英盃附加賽資格，射手羅渣馬天尼斯今季聯賽已經入咗22粒，攻力有保證。艾利雅德排緊尾3，為搶分護級冇退路，一定要豁出去，佢哋近5仗有4次開3球或以上，隨時合演入球騷，捧2.5球大盤更上算。

（on.cc東網周六凌晨2時直播）

上一篇: 澳職：次回合鬥硬淨奧克蘭受讓捧德過_東方日報

下一篇: 英超：防守勁曳訪維拉難言勝利物浦大盤好路_東方日報