英超周中快車，狼隊主場迎戰利物浦。狼隊上仗擊敗維拉，取得今季聯賽第2場勝利，士氣的確有所提升，不過對護級無甚幫助，今場對住近7場贏6場全面復甦嘅利物浦，搶分機會渺茫，「紅軍」不但近況好，佢哋近4次對狼隊全勝，而且全部半場領先，預計今仗都唔例外，半場客勝睇高一線。（Now 621及611周三凌晨4時15分直播）文:邪神

利物浦近期重回正軌，聯賽最大目標就係打入前5名取得歐聯資格，而且競爭激烈，現時佢哋咁蹺就係排第5，落後3、4位嘅曼聯同維拉3分，僅領先第6位嘅車路士3分，要守住現時位置不容疏忽，喺失分空間有限情況下，今仗就算作客都會主動搶攻。

揀埋「半場1:0、全場3:1」
今場排陣上由於域斯受傷缺陣，蘇保斯拉爾將會重回10號位，同阿歷斯麥亞里士打及賴恩格雲貝治重組中場鐵三角，右閘位置就由傷愈嘅謝利美費林邦補上，前線照舊係加普、穆罕默德沙拿同狀態火熱嘅艾基迪基，球隊近期仲解鎖埋「角球入波」絕技，想入波話咁易。

狼隊上場贏波，只係對手阿士東維拉近期狀態實在太差，單計表現唔算出色，大部分時間都捱打，僅靠祖奧高美斯同洛迪高高美斯喺下半場入場，先至贏波而回，今仗遇上志切贏波嘅利物浦，恐怕好難守得住，半場Ｗ相當穩陣。如果想進取啲，捧半場客勝之餘，不妨玩埋同場過關「利物浦半場勝[1:0] & 利物浦全場勝[3:1]」。